Almaty PD basshysy: Shekteý sharalary - qaýipti aýrýdan saqtaıtyn qorǵaý sheńberi
ALMATY. QazAqparat - Almaty polıtsııasy azamattardy tótenshe jaǵdaı erejelerin saqtaýǵa shaqyrady, dep habarlaıdy QazAqparat tilshisi.
Almaty qalalyq PD habarlaýynsha, qalada qurylǵan 26 bekettegi jaǵdaı turaqty. Keshe karantınge baılanysty shekteýli sharalar aıasynda patrýldik polıtsııa men mamandandyrylǵan batalon jasaqtary halyq arasynda túsindirý jáne keńes berý jumystaryn júrgizdi.
«Ókinishke oraı, bizdiń otandastarymyzdyń arasynda sanasy tómen azamattar da bar, olar qoǵamǵa tónip turǵan qaýipti áli de eskermeıdi jáne shuǵyl máselelerdi syltaýratyp qajettiliksiz úıden shyǵady, osylaısha tótenshe jaǵdaı jáne karantın erejelerin elemeıdi. Biz qazirdiń ózinde barlyq múmkin joldarmen olardyń jáne jaqyndarynyń densaýlyǵyn qorǵaýdy surap, túsindirip jatyrmyz. Qoǵam, qalanyń jedel shtaby bekitken shekteý sharalary bireýlerdiń qýlyq-sumdyǵy emes ekenin túsinýi kerek, bul, bylaıynsha aıtqanda, bizdi qaýipti aýrýdan saqtap, kúresý úshin berilgen qorǵaý sheńberi. Halyqtan erekshe eshteńe talap etilmeıdi, belgili bir jadynama lgorıtmi bar, ony qatań saqtaý jáne zańdy buzbaý kerek», – deıdi Almaty qalalyq Polıtsııa departamentiniń basshysy Qanat Taımerdenov.
Onyń aıtýynsha, keshe ishki beketterde eki myń avtokólik júrgizýshisi men 350-ge jýyq azamatqa túsindirý jumystary júrgizilgen.
