«Almaty-Pavlodar» poıyzynyń jolaýshysy 17 kg esirtkimen ustaldy
ASTANA. 20 qańtar. QazAqparat - Pavlodar stantsııasynyń JІІB qyzmetkerleri «Almaty-Pavlodar» baǵytyndaǵy №32 jolaýshylar poıyzynda sómkesine ózindik ıisi bar jasyl tústi ósimdikti polıetılen oramaǵa orap salynǵan zaty bar Pavlodar oblysynyń turǵynyn ustaldy.
Saraptamaǵa sáıkes atalǵan zattyń salmaǵy 16 kg 950 gramm marıhýana bolyp shyqty, dep habarlady QR ІІM Esirtki bıznesimen kúres komıtetiniń baspasóz qyzmeti.
Tekserý barysynda kúdikti esirtki salynǵan sómkeni Almaty qalasyndaǵy «baraholkadan» shyǵaberiste taýyp alǵanyn, Pavlodar qalasyna ózi tutyný úshin alyp kelgenin aıtqan.
Kúdikti Pavlodar stantsııasyndaǵy ýaqytsha ustaý ızolıatorynda qamalyp, keshendi tergeý sharalary júrgizilýde.
