«Almaty-Pavlodar» baǵytyndaǵy poıyz jolaýshysynan 50 gramnan asa esirtki tabyldy
ASTANA. QazAqparat - Kólik saqshylary Semeı qalasynyń turǵynynan «gashısh» esirtki zatyn tárkiledi, dep habarlaıdy Kóliktegi ІІD baspasóz qyzmeti.
«Almaty-1 st. Іshki ister jelilik basqarmasy jáne Kóliktegi ІІD-niń Kınologııalyq qyzmet ortalyǵy qyzmetkerleri júrgizgen jedel-profılaktıkalyq is-sharasynyń barysynda «Jan» laqap atty qyzmettik izdestirý ıtiniń kómegimen «Almaty-Pavlodar» baǵytyndaǵy jolaýshylar poıyzynda 35 jastaǵy Semeı qalasynyń turǵyny ustaldy. Tekserý barysynda odan salmaǵy 50 grammnan asa «gashısh» esirtki zaty tárkilenip, alyndy», - delingen habarlamada.
Qazirgi ýaqytta QR QK 296-baby 4-tarmaǵy boıynsha (esirtki, psıhotroptyq zattardy ótkizý maqsatynsyz saqtaý) sotqa deıingi tergeý amaldary júrgizilýde.
Eske sala keteıik, departamenttiń kınologııa bólimshesiniń qyzmetkerleri aǵymdaǵy jyldyń basynan beri qyzmettik-izdestirý ıtteriniń kómegimen esirtkige qatysty quqyq buzýshylyqtyń 33 faktisin anyqtady. Sondaı-aq, 10 keliden asa ártúrli esirtki zattary tárkilendi.
