Almaty páterlerine jylý qashan beriledi
ALMATY. QazAqparat - Almatyda ortalyq jylý jelisi 15 qazanda iske qosylady. Bul týraly QazAqparat tilshisi qalalyq Energetıka jáne kommýnaldy sharýashylyq basqarmasyna silteme jasap habarlaıdy.
«Áleýmettik nysandar, onyń ishinde mektepter, balabaqshalar, aýrýhanalar 12 qazannan bastap jylý jelisine qosylady. Jańa jylý maýsymyna daıyndyq jumystarynyń barlyǵy belgilengen kestege saı júrip jatyr. Qalanyń jylý energııasy keshenderi jumysqa 100% daıyn», - dedi basqarmadan.
Basqarma basshysy buǵan deıin bıyl jylý aqysy qymbattamaıtynyn habarlaǵan bolatyn.
Qalada bıyl 12 shaqyrym jylý jelisi, 23 shaqyrym elektr jelisi, 283 shaqyrym sý qubyry men 267 shaqyrym káriz jelisi qaıta jasaldy.
