Almaty ózenderinde sý deńgeıi kóterilýi múmkin
ALMATY. QazAqparat – Sınoptıkterdiń boljamy boıynsha, Almatyda 27-28 tamyz aralyǵynda nóser jańbyr jaýady. Sonyń saldarynan ózender arnasynan tasýy múmkin, dep habarlaıdy QazAqparat tilshisi.
Almaty qalalyq Tótenshe jaǵdaılar departamenti Qazgıdrometke silteme jasap aýa raıyna qatysty daýyldy eskertý jarııalady.
«27-28 tamyz aralyǵynda Almaty qalasynyń irgeles aýmaqtaryna nóser jańbyrdyń jaýady degen boljamǵa baılanysty, sý deńgeıleriniń kóterilýi jáne taý bókterinen keletin sý aǵyny qalyptasýy múmkin», - delingen Almaty qalalyq Tótenshe jaǵdaılar departamenti taratqan habarlamada.
