Almaty - Otar ýchaskesinde vagondar quramnan shyǵyp ketti

Sonyń nátıjesinde jupty joldar boıymen poıyzdardyń júrýi múmkin bolmaı qaldy, dep habarlaıdy Qazaqstan Respýblıkasy Kólik jáne kommýnıkatsııa mınıstrliginiń baspasóz qyzmeti.

Apat nátıjesinde 460 metr jol buzyldy. Quramnan shyǵyp qalǵan vagondardyń 5-ýi Reseıge, 2-ýi Belarýske, 1-ýi Ázerbaıjanǵa jáne 1-ýi Qazaqstanǵa tıesili.

Apattyń aldyn ala anyqtalǵan sebebi - Altaı vagon qurastyrý zaýytynyń 2010 jylǵy 27 sáýirde jasap shyǵarǵan №28043701 vagonynyń búıir ramasynyń synýy.

Oqıǵa ornynda Almaty jáne Shý poıyzdarynyń kómegimen qalpyna keltirý jumystary júrip jatyr.

Apat nátıjesinde eshkim zardap shekken joq. Atalǵan ýchaskede poıyzdar qozǵalysy toqtatyldy (9 jolaýshy poıyzynyń júrýi keıinge qaldyryldy).

Vagondardyń quramnan shyǵýyna baılanysty Almaty oblysynyń óńiraralyq kóliktik baqylaý ınspektsııasynyń mamandarynyń qatysýymen «QTJ» UK» AQ komıssııasy tekserý jumystaryn júrgizip jatyr.