«Almaty - Óskemen» jolynda tirkemeli júk kólikteriniń qozǵalysyna tyıym salyndy

ASTANA. QazAqparat - «QazAvtoJol» ulttyq kompanııasy Abaı oblysynda respýblıkalyq mańyzy bar jolda qozǵalysty shektedi, dep habarlaıdy QazAqparat.

22 qarasha keshki saǵat 18.30-dan bastap Abaı oblysy arqyly ótetin «Almaty - Óskemen» respýblıkalyq mańyzy bar tasjolynyń 615-967 shaqyrym aralyǵynda tirkemeli jáne jartylaı tirkemesi bar júk kólikteriniń júrýine tyıym salyndy.

Bul - Almaty oblysynyń shekarasynan Qalbataý aýylyna deıingi ýchaske. Joldy jabýǵa aýa raıynyń nasharlaýy sebep boldy.

Bul ýchaskede «SıneMıdasStroı» JShS qaıta qurý jumystaryn júrgizip jatyr.

Qysqy kútip ustaý jumysyna atalǵan jolda 20 arnaıy tehnıka jáne 32 qyzmetker jumyldyryldy.

Sondaı-aq keshki 18.30-dan bastap «Almaty-Óskemen» jolynyń 558-615 shaqyrymdarynda da, ıaǵnı Úsharal qalasynan Abaı oblysy shekarasyna deıin tirkemeli júk kóligi qozǵalysyna shekteý qoıyldy.