«Almaty-Óskemen» trassasynda jolaýshylar avtobýsy júk kóligimen soqtyǵysty

SEMEI. QazAqparat – «Almaty-Óskemen» trassasynda jolaýshylar avtobýsy júk kóligimen soqtyǵysty, eki adam zardap shekti, dep habarlaıdy QazAqparat.

Abaı oblysy Polıtsııa departamentiniń málimetine sáıkes, oqıǵa 18 naýryz kúni saǵat 23:30 shamasynda «Almaty-Óskemen» avtojolynyń 735-shaqyrymynda bolǵan. SETRA jolaýshylar avtobýsynyń rýlinde bolǵan 60 jastaǵy júrgizýshi qaýipsiz qashyqtyqty saqtamaı RENAULT júk kóligimen janama soqtyǵysýǵa jol bergen. Saldarynan eki adam zardap shekken. Olar aýrýhanaǵa jatýdan bas tartqan.
«Qazirgi ýaqytta birqatar sot saraptamasy taǵaıyndaldy. Olardyń nátıjeleri boıynsha protsesýaldy sheshim qabyldanady», - delingen polıtsııa habarlamasynda.