«Almaty-Óskemen» trassasynda jol belgisin salyp jatqan jumysshyny kólik qaǵyp óltirdi

TALDYQORǴAN. QazAqparat - «Almaty-Óskemen» tasjolynyń 410-shaqyrymynda «Toyota Camry» kóliginiń 22 jastaǵy júrgizýshisi 34 jastaǵy jaıaý júrginshini qaǵyp ketti, dep habarlaıdy QazAqparat jergilikti polıtsııaǵa silteme jasap.

Jol uıymynyń qyzmetkeri jol-kólik oqıǵasy kezinde jol belgilerin salyp jatqan.

Soqqydan er adam oqıǵa ornynda kóz jumdy.

Kólik apaty boıynsha qajetti saraptama taǵaıyndalǵan, sotqa deıingi tergeý amaldary bastaldy.

Avtokólik arnaıy turaqqa qoıyldy.

«Qurmetti júrgizýshiler, kólik júrgizý kezinde óte saq jáne muqııat bolýlaryńyzdy suraımyz. Oblys polıtseıleri barshańyzdy jol erejesin saqtaýǵa jáne jyldamdyq rejımin shekten tys asyrmaýǵa shaqyrady» de eskertedi polıtsııa.