Almaty-Óskemen trassasynda velosıpedshi qaza boldy

QONAEV. QazAqparat - Almaty oblysynda 51 jastaǵy velosıpedshini kólik qaǵyp, mert qyldy, dep habarlaıdy QazAqparat tilshisi.

«2 tamyz kúni túngi saǵat 22:50-de velosıped mingen adamdy kólik qaǵyp, mert qyldy. Oqıǵa Almaty-Óskemen tasjolynyń 19-shy shaqyrymynda bolǵan. Mazda kóliginiń 49 jastaǵy turǵyny belgilenbegen jerden velosıpedpen ótip bara jatqan adamdy qaǵyp ketken. Qazir atalǵan fakti QR Qylmystyq kodeksiniń 345-baby boıynsha tergelip jatyr. Qajetti saraptamalar taǵaıyndaldy»,- delingen Almaty oblystyq Polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, kóz jumǵan azamat Іle aýdanynyń turǵyny bolǵan.