«Almaty - Óskemen» trassasynda qozǵalys shekteldi
TALDYQORǴAN. QazAqparat - Almaty oblysynyń avtojoldarynda qozǵalys shekteldi, dep habarlaıdy QazAqparat tilshisi.
«QazAvtoJol» UK» AQ Almaty oblystyq fılıaly men «Qazaqavtojol» JShS Almaty oblystyq fılıalynyń habarlaýynsha, 2021 jylǵy 8 aqpan, saǵat 22.00-den «Almaty - Óskemen» respýblıkalyq mańyzy bar avtojoldyń 558-615 shaqyrym aralyǵynda (Úsharal qalasy - ShQO shekarasy) qoǵamdyq jáne júk kólikteri úshin qozǵalys ýaqytsha shekteldi.
Almaty oblysynyń TJD azamattardan osy baǵyttaǵy saparlardan bas tartýdy jáne 112 qyzmeti beretin SMS habarlamalardy nazardan tys qaldyrmaýdy suraıdy», - delingen Almaty oblystyq TJD baspasóz qyzmetiniń habarlamasynda.
Buǵan deıin Tótenshe jaǵdaılar mınıstrligi aýa raıynyń nasharlaýyna baılanysty (aqtútek boran, qar, kóktaıǵaq) respýblıkalyq mańyzy bar avtojoldardyń 10 ýchaskesi jabylǵanyn málim etken edi.
