Almaty-Óskemen tasjolynyń qozǵalysy qalpyna keltirildi
TALDYQORǴAN. QazAqparat - Almaty-Óskemen tasjolynyń 558-615 shaqyrymynda jol ashyldy, dep habarlaıdy QazAqparat tilshisi.
Almaty oblystyq Tótenshe jaǵdaılar jónindegi departamenttiń málimetinshe, aýa raıynyń qolaısyzdyǵyna baılanysty respýblıkalyq mańyzǵa ıe trassanyń atalǵan shaqyrymynda 22 qańtar kúni saǵat 18:45 shamasynda barlyq kólik túrleriniń júrýine tyıym salynǵan edi.
Atalǵan vedomstvonyń aqparatyna sáıkes, Almaty oblysy men ShQO shekara aımaǵynda búgin saǵat 08:30 bastap qozǵalys qalpyna keldi.
