Almaty-Óskemen tasjolyndaǵy kólik apaty: 4 adam kóz jumdy
ÓSKEMEN. QazAqparat - Almaty-Óskemen tasjolynda, Arshaly aýylynan 5 shaqyrym jerde Volvo júk kóligi men «VAZ-21124» jeńil kóligi soqtyǵysyp, 4 adam kóz jumdy, dep habarlaıdy QazAqparat tilshisi.
«VAZ-21124» kóliginiń 32 jastaǵy júrgizýshisi men 3 jolaýshy oqıǵa ornynda til tartpaı ketken. Olardyń ekeýi 43 jáne 29 jasta bolsa, qyz kámelettik jasqa tolmaǵan. Taǵy bir kámelet jasyna tolmaǵan bala Aıagóz qalasyndaǵy aýrýhanaǵa jetkizildi.
Oblystyq ІІD baspasóz qyzmetiniń habarlaýynsha, «VAZ-21124» Óskemenge qaraı kele jatqan. Júrgizýshi kólik tizginine ıe bola almaı, qarsy baǵytqa shyǵyp ketken. Oqıǵaǵa qatysty Qylmystyq kodekstiń 345-baby boıynsha sotqa deıingi tergeý bastaldy.
