Almaty-Óskemen tasjolynda jeńil kólik evakýatormen soqtyǵysyp, 6 adam aýrýhanaǵa jetkizildi

TALDYQORǴAN. QazAqparat – Jol-kólik oqıǵasy Jetisý oblysy Kóksý aýdanynda tirkeldi. Almaty - Óskemen tasjolynyń 203-shaqyrymynda Toyota Gracia avtokóligi men Mercedes-Benz evakýatory soqtyǵysty, dep habarlaıdy QazAqparat polisia.kz telegram kanalyna silteme jasap.

Oqıǵa ornynan aýdandyq aýrýhanaǵa alty adam medıtsınalyq tekserýge jetkizildi. Olardyń biri – kámeletke tolmaǵan bala.

Júrgizýshilerdiń qaısysy jol apatyna sebep bolǵany tergeý barysynda anyqtalmaq. Oqıǵa ornynda patrýldik polıtsııa men anyqtaýshylar jumys istedi.