«Almaty-Óskemen» tasjolynda boran saldarynan 35 kólik jolda qalǵan
ÓSKEMEN. QazAqparat – «Almaty-Óskemen» tasjolynda qarly borannyń saldarynan 35 kólik jolda qalǵan, dep habarlaıdy QazAqparat.
«3 aqpan kúni qas qaraıǵan shaqta jol kórinbeı ketkendikten «Almaty-Óskemen» tasjolynyń ýchaskelerin jabý jumystary júrgizildi. Abyroı bolǵanda, qutqarýshylar Jarma aýdanyna taıaý jerde qalyń qar men burqasynnan jolda qalǵan 35 kólikti baıqap qalǵan. Onyń ishinde 1 avtobýs bolǵan», – dep habarlady ShQO Tótenshe jaǵdaılar departamentiniń baspasóz qyzmeti.
Tańerteń arnaıy tehnıka belgilengen aýmaqty tazalap, joldy ashyp berdi. Jarma aýdanynyń qutqarýshylary kóliktermen ilesip otyryp, biraz jerge deıin shyǵaryp salǵan.
