«Almaty - Óskemen» tasjoly ashyldy
ÓSKEMEN. QazAqparat - «Almaty - Óskemen» respýblıkalyq mańyzy bar tasjolynyń ýchaskesi barlyq kólik quraldary úshin saǵat 9-dan bastap ashyldy, dep habarlaıdy QazAqparat tilshisi.
«Qazaqavtojol» RMK Shyǵys Qazaqstan oblystyq bólimshesiniń aqparaty boıynsha, tasjoldyń Qalbataý aýyly men Aıagóz qalasynyń aralyǵyndaǵy (967-778 shaqyrym) bóligi ashyldy.
Eske salaıyq, osy ýchaskedegi avtokólik qozǵalysy aýa raıynyń nasharlaýyna baılanysty keshe 18:00-den bastap jabylǵan bolatyn.
