«Almaty-Óskemen» tas jolynda jolaýshydan 2,5 keli geroın tárkilendi - QR ІІM
ASTANA. 28 tamyz. QazAqparat - Kóliktegi ІІD esirtki bıznesine qarsy kúres basqarmasynyń qyzmetkerleri Jambyl oblysy Shý aýdanynyń «Shý-Tátti» ótkelinde Qaraǵandy oblysynyń 24 jastaǵy azamatyn qolǵa túsirip, odan 1 tonna 406 keli marıhýana tárkilep aldy. Atalǵan fakti boıynsha qylmystyq is qozǵalyp, tergeý amaldary júrgizilýde.
Bul týraly QR ІІM baspasóz qyzmetiniń málimetinde habarlandy.
Budan bólek, Almaty oblysy ІІD esirtki bıznesine qarsy kúres basqarmasynyń qyzmetkerleri «Almaty-Óskemen» tas jolynda jedel-tergeý sharalarynyń nátıjesinde «Hýndaı» markaly avtokóligin toqtatqan kórinedi. Soltústik-Qazaqstan oblysy Beskól aýylynyń turǵyny bolyp tabylatyn 30 jastaǵy jolaýshynyń kóıleginen skotchpen oralǵan 3 polıetılendi túıirshik tabyldy. Júrgizilgen saraptama nátıjesinde tárkilengen zattyń 2,5 keliden astam geroın ekendigin dáleldegen. Quryqtalǵan adam 2010 jyly urlyq úshin 2 jylǵa bas bostandyǵynan aıyrylǵan. Esirtkini tıep alǵan bul azamat Almatydan Taldyqorǵan qalasyna saparlaǵany anyqtalǵan.
Qazirgi tańda esirtki zattaryn tasymaldaý arnasyn anyqtaý úshin jedel-izdestirý jáne tergeý boıynsha keshendi sharalary júrgizilý ústinde.
Esirtki zatyn tasymaldaýshy qamaýǵa alynyp, esirtkini zańsyz saqtaý men tasymaldaý faktisi boıynsha qylmystyq is qozǵaldy.
