Almaty-Óskemen tas jolynda temir qorshaý kólikti tesip ótti
ALMATY. QazAqparat – Almaty-Óskemen baǵytyndaǵy tas jolda jantúrshigerlik jol apaty boldy, dep habarlaıdy QazAqparat tilshisi.
Jol apatynyń sýretteri áleýmettik jelide taraldy. Jeńil kólik qorshaýǵa soǵylǵan. Qorshaýdyń temiri kólikti tesip shyqqan.
Jol apatynan 24 jastaǵy júrgizýshi qyz qaıtys boldy.
Almaty oblystyq Polıtsııa departameniniń habarlaýynsha, jol apaty Almaty Óskemen baǵytyndaǵy tas joldyń 209 shaqyrymynda tańǵy 4-te bolǵan.
«Oqıǵa ornyna jetken jedel tergeý toby «KIA RIO» kóliginiń 24 jastaǵy júrgizýshisi, Almaty turǵyny qaıtys bolǵanyn anyqtady. Sol jaq dóńgelektiń jeli shyǵyp ketýinen boıjetken kólikti basqara almaı qalǵan. Sonyń kesirinen jol shetindegi qorshaýǵa soǵylǵan. Boıjetken oqıǵa ornynda mert boldy», - dedi PD.
Qazir bul derek boıynsha QR QK 345-babynyń 3-bólimimen sotqa deıingi tergeý jumystary júrgizilip jatyr. Tıisti saraptamalar taǵaıyndaldy.
