Almaty-Óskemen tas jolynda kólik aýdarylyp, bir adam mert boldy
TALDYQORǴAN.QazAqparat - Almaty-Óskemen tas jolynyń 118 shaqyrymynda kólik aýdarylyp, 62 jastaǵy jolaýshy oqıǵa ornynda kóz jumdy. Taǵy bir adam túrli dene jaraqatymen Qapshaǵaı qalasynyń aýrýhanasyna jetkizildi, dep habarlaıdy QazAqparat tilshisi.
«Kólik apaty 22 shilde kúni boldy. Boljam boıynsha «Mersedes Sprınter» júrgizýshisi rýlge ıe bola almaı, aýdarylǵan. Oqıǵa ornynda 62 jastaǵy jolaýshy mert boldy.Onyń Almaty qalasynyń turǵyny ekeni anyqtaldy. Osy faktige oraı QR QK 345 babynyń 3-shi tarmaǵyna sáıkes sot aldy tergeý bastaldy», - dep málimdedi Almaty oblystyq Polıtsııa departamentiniń baspasóz qyzmetinen.
Esterińizge sala keteıik, Almaty oblysynyń polıtseıleri kúnniń aptap ystyǵynda júrek-qan tamyry jáne sozylmaly aýrýlary bar júrgizýshilerge jol júrýden bas tartýǵa keńes bergenin habarlaǵan bolatynbyz. Sondaı-aq tártip saqshylary ystyq aýa raıynda kóptegen adamdarda bastyń aınalýy, álsizdik, uıqyshyldyq paıda bolyp, uıyqtaý qaýpi artatynyn eskertedi.
