Almaty - Óskemen tas jolynda kólik aýdaryldy, 3 adam zardap shekti
ÓSKEMEN. 16 qazan. QazAqparat - Keshe Almaty-Óskemen tas jolynyń 731-shi shaqyrymynda joǵary jyldamdyqta kele jatqan «Nıssan» kóligi aýdaryldy.
3 jolaýshy zardap shekti, olar túrli deńgeıdegi jaraqattarmen aýrýhanaǵa jetkizildi.
Sol kúni Óskemende Áýezov dańǵylynda shaǵyn mokıktiń (mototsıkldiń bir túri) mas júrgizýshisi basqarý tetigine ıe bola almaı, alda turǵan «Toıota-Matrıke» kóligine soǵyldy. Shaǵyn mokıktiń júrgizýshisi zardap shekti.
Jol polıtsııasynan habarlaǵandaı, ótken 9 aıda oblys joldarynda kólikterdiń aýdarylýynyń 128 oqıǵasy tirkeldi, olarda 44 adam kóz jumyp, 149-y jaraqattandy.
Polıtsııada naqtylaǵandaı, jol-kólik apatynyń bul túri jalpy sannyń 17 paıyzyn quraıdy.
Ótken jyldyń sáıkes kezeńimen salystyrǵanda, kólikterdiń aýdarylýynyń sany 3,2 paıyzǵa artqany baıqalyp otyr.
