Almaty-Óskemen tas jolynda kólik apatynan 4 adam kóz jumdy
TALDYQORǴAN. QazAqparat - Almaty-Óskemen tas jolynda keshe keshkisin kólik apaty bolyp, 4 adam kóz jumdy. 8 adam aýrýhanaǵa jetkizildi.
Qaıǵyly jaǵdaı Almaty -Óskemen tas jolynyń 50 shaqyrymda oryn aldy. Aldyn ala aqparat boıynsha Lexus, Honda jəne Hyundai markaly avtokólikter soqtyǵysqan. Honda avtokóligi joldyń qarsy betine shyǵyp ketken degen boljam bar. Qazir atalǵan fakti boıynsha tergeý jumystary júrgizilip jatyr dep, habarlaıdy Almaty oblystyq ІІD baspasóz qyzmeti.
Kóz jumǵan 4 adamnyń ekeýi - əıel, ekeýi - er adam. Barlyǵy eresek jandar. Al, zardap shekkender Ótegen batyr eldi mekenindegi aýrýhanaǵa jetkizildi.
