Almaty – Óskemen tas jolynda 44 jastaǵy adamdy kólik qaǵyp, mert boldy

TALDYQORǴAN. QazAqparat Almaty-Óskemen tas jolynda 44 jastaǵy adamdy kólik qaǵyp, mert boldy, dep habarlaıdy QazAqparat tilshisi.

Jetisý oblystyq polıtsııa departamenti baspasóz qyzmetiniń málimetinshe, jol apaty 4 shildede Jetisý oblysynyń Kerbulaq aýdanynda tirkeldi. «Lexus ES 300» avtokóligin 34 jastaǵy er adam basqarǵan. Ol «Almaty-Óskemen» tas jolynyń 177 shaqyrymynda jaıaý júrginshini qaǵyp, mert qyldy.

«Qaza tapqan adam Kóksý aýdanynyń 44 jastaǵy turǵyny bolyp shyqty. Onyń ıen dalada túngi trassada júrý sebebin qazir polıtseıler anyqtap jatyr», - delingen vedomstvo habarlamasynda.

Atalǵan fakti boıynsha qajetti saraptamalar taǵaıyndalyp, tergeý amaldary bastaldy. Avtokólik arnaıy avtoturaqqa qoıyldy.