Almaty - Óskemen baǵytyndaǵy keıbir jol bólikteri jabyldy
ASTANA. QazAqparat - Jetisý polıtseıleri Almaty - Óskemen avtojolyndaǵy keıbir ýchaskelerdiń jabylǵanyn eskertti, dep habarlaıdy QazAqparat Polisia.kz saıtyna silteme jasap.
Aýa raıynyń qolaısyzdyǵyna baılanysty Taldyqorǵannan shyǵys baǵytta dızel otynyn paıdalanatyn avtokólik quraldary úshin qozǵalys shektelgen.
Budan ári 410-shy shaqyrymǵa deıin kólik qozǵalysy barlyq avtokólik túrleri úshin jabyq.
«Sondaı-aq temperatýranyń tómendeýi jáne ekpindi jel Alakól aýdany arqyly Abaı oblysyna qaraı ótetin ýchaskedegi avtomobılderdiń qozǵalysyn shekteýge májbúr etti»,-deıdi Jetisý oblysy Polıtsııa departamenti Jol polıtsııasy basqarmasynyń bastyǵy Qaısar Muhmetov.
