«Almaty - Óskemen» avtojolynda júk kólikteriniń qozǵalysyna tyıym salyndy
SEMEI. QazAqparat - Abaı oblysynda aýa raıynyń buzylýyna baılanysty jolda júrýge shekteý qoıyldy, dep habarlaıdy QazAqparat.
Bul jaıynda Tótenshe jaǵdaılar mınıstrliginiń resmı ókili Rýslan Imanqulov málim etti.
Onyń aıtýynsha, 16 qarasha túngi saǵat 22.40-tan bastap respýblıkalyq mańyzy bar «Almaty - Óskemen» tasjolynyń 778-967 shaqyrym arylyǵynda tirkemesi bar júk kólikteriniń qozǵalysyna tyıym salynǵan.
Bul - Aıagóz qalasy men Qalbataý aýylynyń arasyndaǵy ýchaske.
Oǵan sebep - qarly boran, jolda eshteńe kórinbeıdi.
