«Almaty-Óskemen» avtojolynda kólik qozǵalysy jandandy
ASTANA. 8 qańtar. QazAqparat - Búgin tańerteń elimizdiń respýblıkalyq joldarynda kólik qozǵalysy jandandy. Bul týraly «Qazaqavtojol» RMK-nyń baspasóz qyzmeti habarlaıdy.
Atap aıtqanda, keshe keshqurym Almaty oblysy aýmaǵyndaǵy boranǵa baılanysty «Almaty-Óskemen» avtojolynyń 558-615 shaqyrymyndaǵy «Úsharal-Shyǵys Qazaqstan obl. shekarasy» aralyǵynda avtokóliktiń barlyq túrleri úshin jolǵa shyǵýǵa tyıym salynǵan bolatyn. Búgin saǵat saǵat 8.50-den bastap jol ashyldy.
Sonymen qatar keshe saǵat 20.30-dan beri «Úsharal-Dostyq» jolynyń 0-184 shaqyrymyndaǵy «Úsharal-Kóktýma» aralyǵynda avtokóliktiń barlyq túrleri úshin jol qozǵalysyna shekteý engizildi.
Budan bólek, ShQO aýmaǵyndaǵy boran saldarynan keshe saǵat 20.10-nan bastap «Almaty-Óskemen» jolynyń 615-683 shaqyrymyndaǵy «Almaty obl. shekarasy-Qaskeskeleń burylysy" aralyǵynda avtokóliktiń barlyq túrleri úshin jol jabylǵan edi. Búgin saǵat 9.10-nan beri bul jolda kólik qozǵalysy jandandy.
