«Almaty-Óskemen» avtojolynda qar qursaýynda qalǵan 3 júk kóligi kómek kútýde - TJM
ASTANA. Naýryzdyń 13-i. QazAqparat - Naýryzdyń 12-sinen 13-ine qaraǵan túni Shyǵys Qazaqstan oblysynda qar qursaýynan 42 adam qutqaryldy, úsh júk kóliginiń júrgizýshileri kómek kútýde,
dep habarlady QR TJM-nan.
Vedomstvonyń taratqan málimetine sáıkes, avtokólikter «Almaty-Óskemen» avtojolynyń Sartymbet-Qalbataý ýchaskesinde (40-110-shy shaqyrym aralyǵy) qalyp qoıǵan.
Sondaı-aq ótken túni qutqarýshylar, Tarbaǵataı aýdany Qyzylkesek eldi mekenin basyp ótetin kúrejoldyń boıynan qar qursaýynan 30 adamdy alyp shyqty.
Tótenshe jaǵdaı ornynda QR TJM «Shyǵys aımaqtyq aeroutqyr jedel-qutqarý jasaǵy» memlekettik mekemesiniń 7 adamy men 2 tehnıkasy jumys istedi.
