Almaty-Óskemen avtojolynda 9 júk kóligi qalyp qoıdy
ÓSKEMEN. QazAqparat - Respýblıkalyq «Almaty - Óskemen» joly saǵat 13:20-da kóliktiń barlyq túri úshin jabyldy, dep habarlaıdy QazAqparat ShQO Tótenshe jaǵdaılar departamentiniń baspasóz qyzmetine silteme jasap.
Joldyń 852 jáne 858-inshi kılometri aralyǵynda kúrtik qarǵa batyp shamamen 9 júk kóligi qalyp qoıǵan bolatyn. Tazalaý jumystary joldyń eki basynan qatar júrgizildi, oǵan «Qazaqavtojol» JShS 7 tehnıkasyn jumyldyrdy. Joldyń qardan tazalanýyn kútip turǵan júk kólikteri óz baǵyttarymen júrip ketti.
Boran soǵyp, kórý múmkindigi shektelýine baılanysty, jol áli jabyq.
Shyǵys Qazaqstan oblystyq tótenshe jaǵdaılar departamentinde polıtsııa jáne tótenshe jaǵdaılar departamentteriniń, sondaı-aq jol qyzmetteri qyzmetkerlerinen jedel shtab qurylǵan.
