Almaty-Óskemen avtojolynda 5 avtobýs dittegen jerine jete almady
TALDYQORǴAN. QazAqparat - Almaty oblysynan Shyǵys Qazaqstan oblysyna jol tartqan bes avtobýs burqasyn men kóktaıǵaqqa baılanysty «Úsharal» baqylaý-ótkizý beketinde qozǵalysyn toqtatty. Avtobýstardaǵy jolaýshylardyń sany 100-ge jýyq, dep habarlaıdy QazAqparat tilshisi.
Almaty oblystyq Tótenshe jaǵdaılar departamentinen málim etkendeı, jolaýshylarǵa jan-jaqty kómek kórsetilýde. Olar jaqyn mańdaǵy qonaqúılerge ornalastyrylyp, oblys ákimdigi tarapynan ystyq tamaq uıymdastyryldy. Qozǵalystyń toqtaýyna narazylyǵyn bildirgen jolaýshylarǵa polıtsııa qyzmetkerleri joldyń qaýipsizdik úshin jabylǵanyn túsindirýde.
«Qazirigi ýaqytta jeldiń uıytqýynan kórý múmkindigi nasharlaǵan. Aýa raıynyń qolaısyzdyǵyna baılanysty Almaty-Óskemen respýblıkalyq avtojolynyń keıbir bóligi barlyq kólik túrleri úshin jabyldy», - delingen baspasóz baıanynda.
