Almaty Ortalyq Azııa elderinen volonterlardy qabyldaýǵa daıyn
ALMATY. QazAqparat- Almaty Ortalyq Azııa elderiniń barlyq eriktilerin qabyldaýǵa daıyn. Bul týraly Almaty qalasynyń ákimi Baqytjan Saǵyntaev Іnstagram-paraqshasynda jazdy, dep habarlaıdy QazAqparat tilshisi.
Búgin, Almatyda Elbasy N. Á. Nazarbaevtyń bastamasy boıynsha jarııalanǵan Jastar jylynyń aıasynda «Ortalyq Azııa jastary» festıvali ashyldy. Uıymdastyrýshylar – QR Tuńǵysh Prezıdenti qory men Almaty qalasynyń ákimdigi.
«Bizdiń qalamyz eki kún boıy 7 eldiń 400-ge jýyq daryndy jastary qatysatyn alańǵa aınalady. Qatysýshylar geografııasyn keńeıtýdi jáne bolashaqta Reseı, Qytaı, Koreıa men Úndistannyń jáne basqa da elderdiń jastaryn shaqyrýdy ári festıvaldy jyl saıyn ótkizýdi usyndym»,- dep jazdy Baqytjan Saǵyntaev.
Aıta keteıik, Prezıdent Qasym-Jomart Toqaev keler jyldy Eriktiler jyly dep jarııalaǵan bolatyn.
«2020 jyly Almatyda óńir elderi eriktileriniń Jastar forýmyn ótkizýdi usynamyn»,- deıdi Almaty ákimi.
