Almaty ortalyq aýrýhanasynyń bas dárigeri para aldy degen kúdikpen ustaldy

ALMATY. QazAqparat - Almaty ortalyq aýrýhanasynyń bas dárigeri Nurlan Turdalın 2 aıǵa qamaldy, dep habarlaıdy QazAqparat tilshisi.

«Oǵan QR QK 366-babynyń 2-bólimi negizinde aıyp taǵyldy. Laýazymdy sheneýnik asa iri kólemde para aldy dep kúdikke ilinip otyr. Qamaý merzimi 13 naýryzdan bastap esepteledi», - dep málim etti sottyń baspasóz qyzmetinen.

Nurlan Turdalın 5 irgeli medıtsınalyq mekemede basshylyq qyzmetter atqarǵan. 2017 jyldyń 1 aqpanynan bastap «Almaty ortalyq klınıkalyq aýrýhanasy» memlekettik kommýnaldyq kásipornynda bas dáriger qyzmetin atqaryp keldi.

Aıta ketý kerek, jaqynda qalalyq densaýlyq saqtaý basqarmasynyń burynǵy basshysy Serikbol Mýsınovqa qatysty is qozǵalǵan bolatyn. Oǵan laýazymdy tulǵalarǵa 25 myń AQSh dollary kóleminde para berdi degen aıyp taǵylyp otyr.

Qazir qalalyq densaýlyq saqtaý basqarmasyn Qanat Tósekbaev basqaryp otyr.