Almaty ortalyǵyndaǵy órt: Polıtsııa tergeýdi bastady
ALMATY. QazAqparat – Almatyda tórt qabatty turǵyn úıden shyqqan órtti polıtsııa tekseredi, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, 17 qyrkúıekte órtengen tórt qabatty úı týraly materıaldar Medeý aýdandyq polıtsııa basqarmasyna berilgen.
«Barlyq qajetti saraptama taǵaıyndaldy, onyń qorytyndysy boıynsha protsessýaldyq sheshim qabyldanady», - dep habarlady polıtsııadan.
Buǵan deıin N. Nazarbaev dańǵylynda ornalasqan kópqabatty úılerdiń birinen órt shyǵyp, turǵyndardyń evakýatsııalanǵany týraly jazǵanbyz.
Keıin órt 1500 sharshy metr aýmaqty sharpyǵany belgili boldy.
Aıta keteıik, qyzyl jalyndy aýyzdyqtaýǵa 28 tehnıka men jeke quramynan 90 astam adam jumyldyryldy. Oqıǵa ornynda arnaıy shtab qurylyp, kóshe tolyq jabyldy.
