Almaty ortalyǵyndaǵy dóner dúńgirshegi tórtinshi ret súrildi
ALMATY. QazAqparat -Almaty ortalyǵyndaǵy dóner dúńgirshegi tórtinshi ret súrildi, dep habarlaıdy QazAqparat tilshisi.
Qala qurylysyn baqylaý basqarmasynyń málimetinshe, Abaı jáne Masanshy kósheleriniń qıylysyndaǵy «Almaty doner» dúńgirshegi osymen tórtinshi ret súrildi.
«2016 jyly sot qurylysty zańsyz dep tanyǵan. Soǵan qaramastan nysan ıesi bıznesin jalǵastyrýyn qoımaıdy. Dúńgirshek tórtinshi ret qurylystyń ártúrli kezeńinde súrilip otyr. Bir kún buryn metall qańqasy ornatylyp jatqanda jumystary toqtatyldy», - dep habarlady qala qurylysyn baqylaý basqarmasynyń baspasóz qyzmeti.
Keshe Gogol kóshesi № 169 mekenjaıynda ornalasqan tanymal kafeniń jazǵy terrasasyn buzý jumystary sot oryndaýshylarynyń qatysýymen júrgizildi.
