Almaty ortalyǵyndaǵy ashana órtendi
ALMATY. QazAqparat – Almatynyń ortalyǵynda ornalasqan «Úrimshi» ashanasynan órt shyqty, dep habarlaıdy QazAqparat tilshisi.
Almaty qalalyq TJD habarlaýynsha, búgin tańǵy saǵat 07:37– ta órt sóndirý bólimine Gogolıa –Qaıyrbekova kóshesiniń qıylysynda ornalasqan ashanadan órt shyqqany týraly týraly habarlama kelip tústi.
«Oqıǵa ornyna órt sóndirýshiler 6 mınýtta jetti. «Úrimshi» ashanasynan shyqqan órtti sonda isteıtin jumysshylar ózderi óshirýge tyrysqan. Órt sóndirýshiler ashanadan 50 lıtrlik 7 gaz ballonyn syrtqa shyǵaryp, qyzyl jalyndy 11 mınýtta tolyqtaı sóndirdi» – dedi TJD baspasóz qyzmeti
Órt 60 sharshy metr aýmaqty sharpydy. Ony sóndirýge 4 birlik tehnıka men 17 adam jumyldyryldy.
Zardap shekkender joq.
