Almaty ortalyǵyndaǵy aqyly avtoturaqtardyń sany artty
ALMATY. QazAqparat - Almatynyń Gogol kóshesinde taǵy eki avtoturaq aqyly rejimge ótpek, dep habarlaıdy QazAqparat tilshisi.
«Almaty SpetsTehParkıng» JShS-niń habarlaýynsha, avtoturaqtar Gogol kóshesiniń qalanyń ortalyq aýdanyndaǵy bóliginde ashylmaq.
«Onyń birinshisi Gogol kóshesiniń Zenkovtan Nazarbaevkóshesine deıingi bóliginde ornalasyp, №1001-shi aqylyturaq aımaǵyna engiziledi. Ekinshisi, Gogol kóshesiniń Abylaı han kóshesinen Nazarbaev kóshesine deıingi bóliginde ashylyp, №1002-shi aqyly avtoturaq aımaǵyna kiretin bolady. Atalǵan turaqtarda aqparattyq taqta men eskertý belgileri ornatylyp, parkomattar qoıylady», - dedi atalǵan kompanııadan.
Aıta keteıik, Almatydaǵy aqyly turaqtarda kólik qaldyrý úshin júrgizýshiler saǵatyna 100 teńge tóleýi qajet. Aqshany parkomat jáne telefonnan SMS habarlamamen nemese «Parkovkı Almaty» qosymshasy jáne Qiwi, «Kassa 24»termınaldary arqyly tóleýge bolady.
