Almaty ortalyǵynda jaryq óship, uzyn sonar keptelis paıda boldy
ALMATY. QazAqparat - Almaty ortalyǵynda jaryq óship, uzyn-sonar keptelis paıda boldy, dep habarlaıdy QazAqparat tilshisi.
«Alataý jaryq Kompanııasy» AQ baspasóz hatshysy Laýra Ibraeva shtattan tys jaǵdaı tekserilip jatqanyn aıtty.
«Qalanyń birqatar aýdandarynda jaryq óship qaldy. Qazir apatty qalpyna keltirý brıgadalary oqıǵa ornyna shyǵyp ketti. Tolyǵyraq málimet keıinirek bolady», - dedi Laýra Ibraeva.
Túski saǵat 15:00-der shamasynda Abaı, Sátbaev, Manas, Rozybakıev, Áýezov, Jarokov, Ótegen batyr kóshelerinde jáne Almagúl aýdanynda jaryq óship qalǵan. Sonyń saldarynan baǵdarshamdar isten shyǵyp, trolleıbýstar toqtap, joldy bógep qalǵan.
1 saǵattan soń keıbir kóshelerge ishinara jaryq berildi.
