Almaty ortalyǵynda túnde kólikpen jarysqandar ustaldy
ALMATY. QazAqparat - Almaty ortalyǵynda túnde kólikpen jarysqandar ustaldy, dep habarlaıdy QazAqparat tilshisi.
Arnaıy is-sharany qalalyq polıtsııanyń qatardaǵy bólimderiniń kúshteri júrgizdi.
«Biz túngi jarys áýesqoılary arasynda eń tanymal oryndardy tańdadyq jáne anyqtadyq, onda arnaıy jergilikti reıd ótkizýdi uıǵardyq. Sondaı-aq, turǵyndardyń shaǵymyn negizge aldyq, qatty aıdaý arqyly áýesqoılar olardyń tynyshtyǵyn buzady. Osylaısha, keshe keshkisin bizdiń aýdannyń aýmaǵynda naqty júrgizilgen is-shara jumystarynyń nátıjesinde 30-dan asa jol erejesin buzǵan turǵyn anyqtaldy», - dedi Almaty PD Medeý aýdandyq polıtsııa basqarmasynyń bastyǵy Dáýren Ótebaev.
Onyń aıtýynsha, toǵyz kólik mamandandyrylǵan aıyppul turaǵyna qoıyldy.
Polıtsııa qalada gúrildeýishterge ornatylǵan rezonatorlar, tikeleı aǵyny bar kólikterdiń jumysyna baqylaýdy kúsheıtkenin eske saldy.
