Almaty ortalyǵynda ornalasqan birqatar ǵımarat sýsyz qalady

ALMATY. QazAqparat - Almatynyń ortalyǵyndaǵy birqatar ǵımarat úsh saǵatqa sýyq sýdan ajyratylady, dep habarlaıdy QazAqparat tilshisi.

4 qarasha kúni tańǵy saǵat 9:00 den 12:00-ge deıin, Almaly, Bostandyq jáne Medeý aýdandarynyń Abaı – D.Qonaev - Qurmanǵazy – N.Nazarbaev kósheleriniń boıynda ornalasqan turǵyn úılerge jáne basqa nysandarǵa sýyq sý berý toqtatylady, dep habarlady «Almaty sý» kásiporny.

Sonymen birge, Qurmanǵazy kóshesiniń soltústiginde N.Nazarbaev dańǵyly men M.Tólebaev kóshesiniń arasynda ornalasqan keıbir úılerde sýyq sýdyń qysymy birshama tómendeıdi.

Sýyq sýdy ýaqytsha toqtatýǵa sý jelilerin aýystyryp, jańa magıstraldyq qubyrlarǵa qosý sebepshi bolady.