Almaty ortalyǵynda lańkester namaz oqyp jatyr - qańtardaǵy oqıǵanyń jańa kadrlary paıda boldy

NUR-SULTAN. QazAqparat - Jelide 5 qańtar Almatyda Prezıdent rezıdentsııasy aldynda lańkesterdiń namaz oqyp jatqan vıdeosy paıda boldy, dep habarlaıdy QazAqparat.

Vıdeoǵa sáıkes, oqıǵa Almatyda 5 qańtar saǵat 19.10-da taspaǵa túsirilgen. Kadrda lańkester Almatydaǵy Prezıdent rezıdentsııasy aldynda namaz oqyp jatyr.

Eske salaıyq, 6 qańtarda Almatyda tártip ornatý maqsatynda antıterrorıstik arnaıy operatsııa bastalyp, 19 qańtarǵa deıin tótenshe jaǵdaı jarııalandy. Komendatýranyń aqparat ortalyǵy tártipsizdik jasaǵan radıkaldar qalaǵa úlken zalal keltirip, quqyq qorǵaý organdarynyń tártip pen qaýipsizdikti qamtamasyz etý boıynsha zańdy áreketterine qarsylyq kórsetkenin habarlady.

Terrorıster beıbit turǵyndardy, ásirese áıelderdi tiri qalqan retinde paıdalanyp, arnaıy operatsııa júrgizýge kedergi keltirgen.

7 qańtarda «Habar 24» telearnasy habarlaǵandaı, Almatyda arnaıy operatsııa barysynda 70 terrorıst pen 30 maroder ustaldy. Almatyda lańkestkrdiń qolynan tek qana ákimshilik ǵımarattar emes, beıbit turǵyndardyń ózderi, múlikteri zardap shekti.

Qańtardaǵy oqıǵalardyń tolyq hronologııasymen myna siltemeden tanysýǵa bolady.