Almaty ortalyǵynda atys boldy
ALMATY. QazAqparat - Almatyda «Rahat palas» qonaq úıiniń qasynda atys bolyp, 4 kúdikti ustaldy. Bul týraly QazAqparat tilshisine qalalyq Polıtsııa departamentiniń resmı ókili Saltanat Ázirbek aıtty.
«Atys 7 naýryzda Bostandyq aýdanynda Sátpaev Baızaqov kóshesi qıylysyndaǵy qonaq úılerdiń mańynda bolǵan. Bul derekke baılanysty 4 kúdikti ustaldy. Olar ýaqytsha oqshaýlaý ornyna qamaldy. Tergeý amaldary jalǵasyp jatyr», - dedi Saltanat Ázirbek.
Onyń aıtýynsha, oqıǵadan eshkim zardap shekpegen.
Aıta ketý kerek, vıdeo Instagramdaǵy pablıkterdiń birinde jarııalandy. Beınekadrde birneshe er adam Gelandewagen kóliginiń qasynda toptasyp turǵan. Bir mezette bir er adam olarǵa qarata oq ata bastady.
