«Almaty - Oral» baǵytyndaǵy ushaq bortynda dórekilik tanytqan mas jolaýshy jazalandy
ALMATY. QazAqparat - Almaty qalasy áýejaıyndaǵy ishki ister jelilik bóliminiń kezekshi bólimine «Eır Astana» áýe kompanııasynyń «Almaty - Oral» baǵytyndaǵy áýe kemesi bortyndaǵy keleńsiz jaǵdaı týraly habarlama kelip túsken.
Kólik polıtseılerimen tekserý barysynda Reseı Federatsııasynyń 26 jastaǵy azamaty anyqtaldy, dep habarlaıdy QazAqparat Kóliktegi ІІD baspasóz qyzmetine silteme jasap.
Er adam alkogoldi masań kúıde ózin dóreki ustaǵan, bortserikterdiń eskertýine qulaq aspaı, olardy balaǵattaǵan jáne osy áreketterimen jolaýshylardyń tynyshtyǵyn buzǵan.
Medıtsınalyq kýálandyrýdyń qorytyndysyna sáıkes quqyq buzýshynyń jeńil dárejedegi masań kúıde bolǵany anyqtaldy.
Oǵan qatysty bir mezette usaq quqyq buzýshylyq, qoǵamdyq oryndarda masań kúıde bolý jáne áýe kemelerinde minez-qulyq erejelerin buzý boıynsha úsh birdeı ákimshilik hattama túzildi jáne 5 AEK, 5AEK jáne 3AEK kóleminde (31 265 teńge) ákimshilik aıyppul salyndy.
