Almaty Open: Býblık 2024 jylǵy chempıondy jeńip, jartylaı fınalǵa shyqty
ASTANA. KAZINFORM — Qazaqstannyń birinshi, álemniń 19-raketkasy Aleksandr Býblık Almaty ATP 250 týrnıriniń jartylaı fınalyna joldama aldy.
Jarystyń 3-raketkasy bolyp tirkelgen qazaqstandyq tennısshi shırek fınalda reıtıngide 25-oryndaǵy reseılik, Almaty dodasynyń 2024 jylǵy jeńimpazy Karen Hachanovqa tap keldi.
Birinshi sette esep 3:3 bolǵan mezette reseılik sportshy breık jasap ketti – 6:4.
Ekinshi partııada taı-breıkte Býblıktiń mereıi ústem boldy – 7:6 (7:5).
Úshinshi, sheshýshi sette taı-breıkte Aleksandrdyń asyǵy alshysynan tústi – 7:6 (7:5)
Eki saǵat 25 mınýtqa sozylǵan tartysty báseke barysynda Býblık 21 eıs jasaǵanymen, 5 breık-poıntty bireýin de paıdalana almady. Hachanov 8 eıs, 1 breıkpen (5 breık-poınt) kózge tústi.
Aleksandr Býblık fınalǵa shyǵý úshin álemniń 5-raketkasy, reseılik, Almaty týrnıriniń byltyrǵy chempıony Danııl Medvedevpen talasady. Medvedev shırek fınalda reıtıngide 98-satydaǵy frantsııalyq Terens Atmandy qapy qaldyrdy – 6:4, 6:4.
Eske salaıyq, buǵan deıin Elena Rybakına Qytaıdaǵy jarystyń jartylaı fınalyna ótkenin jazǵan edik.
