Almaty óńirlik qarjy ortalyǵynyń tóraǵasy «TMD-niń Bıznes kóshbasshysy» nagradasymen marapattaldy
ALMATY. Naýryzdyń 15-si. QazAqparat /Názıra Eleýhan/ - Almaty qalasynyń óńirlik qarjy ortalyǵynyń tóraǵasy Arken Arystanovqa «TMD-niń Bıznes kóshbasshysy» nagradasy berildi,
dep habarlaıdy QazAqparat.
Marapattaý rásimi Máskeý qalasynda «Reseıdiń TMD-ǵy tóraǵalyq jylyndaǵy jańa bastamalar» degen atpen ótken Dostastyq elder Halyqaralyq ekonomıkalyq forýmy aıasynda bolyp ótti.
Forýmǵa Reseıdiń Memlekettik bılik organdarynyń jetekshileri, TMD aýmaǵyndaǵy salalyq birlestikteri, iri holdıngter men qoǵamdyq uıymdar jáne jetekshi bıznes-qurylymdardyń ókilderi qatysty. Sharany ótkizýdegi maqsat - ekonomıkalyq yqpaldastyqtaǵy joldardy odan ári nyǵaıtý jáne bolashaqtaǵy perspektıvalardy talqylaý.
Bizdiń eldiń atynan QR Parlament depýtattary, «Qazposhta» AQ, Almaty qalasynyń óńirlik qarjy ortalyǵy, QR Prezıdenti janyndaǵy Qazaqstandyq strategııalyq zertteýler ınstıtýtynyń sarapshylary, Qazaqstannyń Reseıdegi Elshiliginiń ókilderi qatysty.
