Almaty oqýshylarynyń qysqy demalysy qyzyqty ótýde
ALMATY. Qańtardyń 7-si. QazAqparat /Ádilet Musahaev/ - Qazir qysqy mektep demalys kúnderiniń qaınap turǵan kezi. Almatylyqtar bul jaıtty nazardan tys qaldyrmaýda.
Jańa jyldyq shyrshalardan basqa da kóptegen sporttyq oıyndar men mádenıetti jańǵyrtýǵa arnalǵan sharalar uıymdastyrylýda. Qańtardyń 2-si men 9-y aralyǵynda shahmattan týrnır ótýde, al 5-i men 8-i kúnderi joǵary synyp oqýshylary arasynda «Ideıalardyń forýmy» dástúrli jıyny ótýde. Erteń qolóner boıynsha «Ádemilikti jasap shyǵaramyz» atty festıval bastalady. Al qańtardyń 8-i men 9-y aralyǵynda 16 jalpy bilim berý páni boıynsha ǵylymı jarystar ótse, 11 kúni eń úzdik kompıýterlik sýret boıynsha konkýrs uıymdastyrylmaq.
Sondaı-aq «Qysqy start» bastalyp, voleıboldan spartakıada, «Qysqy oıyndardan estafeta», «Fıtnes eline saıahat» jarystary uıymdastyrylýda.
