Almaty oqýshylary karantın talaptaryn qalaı saqtap júr

ALMATY. QazAqparat- Almatyda oqýshylar men muǵalimderdiń densaýlyǵy men qaýipsizdigin saqtaý maqsatynda sanıtarlyq-epıdemıologııalyq sharalar qabyldanǵan, dep habarlaıdy QazAqparat tilshisi.

Almaty qalasy ákimdiginiń málimetishe, megapolıste 288 myńnan astam oqýshyny qamtıtyn 278 mektep jumys isteıdi. Onyń 270 - memlekettik jáne 71 - jekemenshik.

Almaty qalasynyń bas sanıtar dárigeriniń qaýlysyna sáıkes, kezekshi synyptardy ondaǵy oqýshy sanyn 15-ten asyrmaı ashýǵa ruqsat etilgen.

Kezekshi toptardy ashýdyń basty sharty - barlyq sanıtarlyq-epıdemıologııalyq talaptardy qatań saqtaý.

Aýdandyq bilim bólimderi men epıdemıologııalyq qyzmet qyzmetkerlerimen mektepterge aýdıt júrgizildi, mektepterdiń sanıtarlyq qaýipsizdik talaptaryna sáıkestigi anyqtalǵannan keıin kezekshi toptar iske qosyldy.

Jambyl Jabaev atyndaǵy № 161 lıtseıde 5, 9, 11 synyp oqýshylary oflaın formatta oqıdy.

Mektepte barlyǵy 536 oqýshy oqıdy, onyń 358-i qashyqtan bilim alýda.

Mektepke kireberiste oqýshylar dezınfektsııalyq týnnel arqyly ótedi.

Sodan keıin qoldaryn sanıtaızerlermen óńdeıdi.

Olardy árqaısysynyń temperatýrasyn ólsheıtin medıtsına qyzmetkeri qarsy alady.

Ár synypta 10-15 adamnyń ortasha tolymdylyǵy boıynsha talap saqtalady. Oqýshylar áleýmettik qashyqtyqty saqtaı otyryp, shahmat tártibimen otyrady.

Mektepte betperde rejımi qatań baqylanady.

Dálizderiń edeninde áleýmettik qashyqtyqty saqtaý úshin arnaıy belgiler syzylǵan.

Synyptar arasyndaǵy úzilis - 15 mınýttan.

Sonymen qatar, Almaty ákimdigi ata-analardy balalarǵa muqııat bolýǵa shaqyrady.

Almaty qalasy sanıtarlyq-epıdemıologııalyq baqylaý departamentiniń derekterine sáıkes, oqýshylardyń koronavırýsty juqtyrý jaǵdaılarynyń 80%-ynda úıde naýqas týystarymen qarym-qatynas baıqalǵan.