Almaty oqýshylary demalys kezinde qolóner buıymdaryn jasap úırenbek
ALMATY. QazAqparat - Almatyda Á.Qasteeva atyndaǵy Memlekettik óner mýzeıi oqýshylardy qysqy demalysty tıimdi paıdalanýǵa shaqyryp otyr. Mýzeıde sheberler balalarǵa qolóner buıymyn jasaýdy úıretpek, dep habarlaıdy QazAqparat tilshisi.
«Demalysty birge ótkizeıik!» sharasy 2018 jyldyń 3-7 qańtar kúnderi uıymdastyrylmaq. Mýzeıdiń habarlaýynsha, balalar basqur jasap, kıiz basýdy, bilezik ázirleýdi úırenbek.
«Bul kúnderi «Ǵajaıyp sham» qysh quıý sheberhanasy jumys jasaıdy. Keramıkalyq ónimdi oqýshy ózimen birge alyp kete alady. 3 qańtarda mınıatıýra tehnıkasynda keramıkalyq músinsheni bezendiremiz. Jańa bilezikti de oqýshy óz qolymen jasap ala alady. 4 qańtarda kóne basqur tehnıkasyn úırenemiz. Sondaı-aq, sizder úshin osy kúni qysh buıymdar sheberhanasy jumys isteıdi. Juma kúni, 5 qańtarda kıizden aksessýarlarlar jasaımyz. Senbi kúni, 6 qańtarda, sheberlerdiń jetekshiligimen biz sándik ulttyq úlgilermen panno toqýmen aınalysatyn bolamyz», delingen habarlamada.
Balalarǵa qol ónerbuıymdary boıynsha sabaqtar aqyly, 1 200 teńgeden bastap, 2 000 teńge aralyǵynda bolmaq.
