Almaty oqýshylary 7 jyl boıy respýblıkalyq olımpıadalarda jáne 10-ret ǵylymı jarystarda komandalyq birinshi oryn aldy - A. Esimov
ALMATY. 3 mamyr. QazAqparat - Almatyda joǵary oqý ornyna deıingi bilim shańyraqtaryndaǵy 18 jasqa deıingi jastardyń jalpy sany 300 myń adamdy quraıdy.
Bul týraly búgin respýblıkalyq jáne halyqaralyq olımpıadalardyń júldegeri atanǵan úzdik oqýshylarǵa «Úrker» tósbelgisin tabys etý rásiminde aıtyldy.
«Almaty qalasynyń oqýshylary 7 jyl boıy respýblıkalyq olımpıadalarda jáne 10-ret respýblıkalyq ǵylymı jarystarda komandalyq birinshi oryn aldy. Bıyl ǵylymı jarystar men olımpıadalarǵa negizgi ǵylymdar boıynsha 182 oqýshy qatysyp, onyń 139-y júldeger atandy. Sondaı-aq 171 oqýshy halyqaralyq olımpıadalarda joǵary nátıjelerge qol jetkizdi», - deıdi Almaty qalasynyń ákimi Ahmetjan Esimov. A. Smaǵululynyń aıtýynsha, búgingi saltanatty sharada 201 oqýshy birinshi ret «Úrker» syılyǵymen, al oǵan buǵan deıingi jyldary qol jetkizgen 29 oqýshy qurmet gramotalarymen marapattalyp otyr. Jalpy Almaty qalasynyń bilim berý júıesindegi mektepter, kolledjder men kásiptik tehnıkalyq lıtseılerde qazir 185 myń oqýshy bilim alýda.
