Almaty oblysynyń joldarynda kókpar tartqandar jaýapqa tartyldy
TALDYQORǴAN. QazAqparat - Almaty oblysynyń joldarynda kókpar tartqandar jaýapqa tartyldy, dep habarlaıdy QazAqparat tilshisi.
Eńbekshiqazaq aýdanynyń Rahat aýyldyq okrýginiń jol bóliginde 20-25 adamnan turatyn bir top adam ruqsatsyz kókpar uıymdastyrǵan. Shara Kóktebi jáne Rahat aýyldyq okrýgteriniń turǵyndary arasynda ótken. Ulttyq oıyn aıaqtalǵannan keıin qatysýshylardyń bir bóligi oıyndy jol ústinde jalǵastyrǵandyǵy belgili boldy.
«Atalǵan zańǵa qaıshy áreketterdiń jolyn patrýldik polıtsııa ekıpajdary der kezinde kesti. Sonymen qatar, ulttyq oıyn jergilikti atqarýshy organdardyń kelisiminsiz ótkizilgendigin atap ótken jón. Qazirgi ýaqytta kókpar uıymdastyrǵan 1998, 1997, 2000 jáne 1992 jylǵy Almaty oblysy Rahat aýylynyń turǵyndary ustaldy. Olar QR ÁQBtK-niń 434-baby 1-bóligi «Usaq buzaqylyq» boıynsha ákimshilik jaýapkershilikke tartyldy»,- dep málimdedi oblystyq polıtsııa departamentiniń baspasóz qyzmetinen.
Qazir kókpardy uıymdastyrýǵa jáne ótkizýge qatysqan ózge de azamattar anyqtalýda.
