Almaty oblysynyń ıývenaldyq sotynda 550-den astam is qaralǵan
TALDYQORǴAN.QazAqparat - Byltyr Taldyqorǵan óńirinde ıývenaldy sot jasóspirimderge qatysty 370 azamattyq jáne 170-ke jýyq ákimshilik isti qaraǵan. Budan bólek, 19 qylmystyq is boıynsha 28 adamǵa úkim shyǵaryldy, dep habarlaıdy QazAqparat tilshisi.
Bul týraly jýrnalıstermen bolǵan brıfıngte oblystyq №1 kámeletke tolmaǵandardyń isteri jónindegi mamandandyrylǵan aýdanaralyq sotynyń tóraǵasy Janna Núsipova málimdedi.
Onyń aıtýynsha, balalar quqyǵynyń qorǵalýy boıynsha birneshe joba qolǵa alynǵan. Sonyń biri - «Balany birge qorǵaıyq!» atty jol kartasy. Atalmysh qujat boıynsha, «úı-mektep-úı» aralyǵy negizinde qaýipsiz baǵyt kartasy jasalyp, negizgi joldarǵa patrýldik qyzmet qoıyla bastady. Mektepterde semınarlar men túrli kezdesýler uıymdastyrylyp jatyr. Sonymen qatar, balalar arasyndaǵy quqyqbuzýshylyqtyń aldyn alýǵa kúsh salynǵan. Ásirese, qylmys jasaýlaryna jol bermeý - basty maqsat.
