Almaty oblysynyń úzdik ustazyna páter syılandy
TALDYQORǴAN. Qazannyń 5-i. QazAqparat /Sandýǵash Dúısenova/ - Almaty oblysynyń Sh.Smaǵulov atyndaǵy daryndy balalarǵa arnalǵan mektep-ınternattyń qazaq tili jáne ádebıeti pániniń muǵalimi Baqytnur Ádilov jyl saıynǵy «Eń úzdik jyl muǵalimi» atty baıqaýdyń jeńimpazy atandy.
Oǵan Taldyqorǵan qalasynan eki bólmeli páter kilti tabys etildi. Oblystyń basqa da 49 pedagogy 50 myńnan 350 myń aralyǵyndaǵy aqshalaı syılyqtarǵa ıe boldy.
«Ne degenmen ustaz tamasha kásip. Qazir bárimiz birge ustazdarymyzǵa alǵys aıtaıyqshy. Muǵalim mamandyǵy eń aýyr jumystardyń biri, solaı bola tura, ol qurmetti mamandyq», - dedi syılyqtar tabys etilgen soń oblys ákiminiń orynbasary Serik Muqanov.
