Almaty oblysynyń «Úzdik muǵalimine» avtokólik kilti tabystaldy
TALDYQORǴAN. QazAqparat - Búgin Almaty oblysynyń ákimi Amandyq Batalov ustazdar qaýymymen kezdesti, dep habarlaıdy QazAqparat tilshisi.
Saltanatty sharada A.Batalov oblys pedagogtarynyń jetistikterin atap ótip, memleket tarapynan bilim salasyna kórsetilip jatqan qoldaý sharalaryna toqtaldy.
«Jyldyń úzdik muǵalimi» nomınatsııasynyń jeńimpazy Aqsý aýdany Ǵanı Muratbaev atyndaǵy orta mekteptiń matematıka pániniń muǵalimi Qaımuhanov Asyl Qaıyrbekulyna avtokólik kilti tabystaldy.
Osydan keıin óńir basshysy oblysymyzdyń bilim salasynyń damýyna qosqan zor úlesi jáne jas urpaqty sapaly bilim, sanaly tárbıe berýdegi tabysty eńbegi úshin ustazdardy oblys ákiminiń Qurmet gramotasymen, alǵys hatymen, jáne QR Bilim jáne ǵylym mınıstrliginiń «Y. Altynsarın» tósbelgisimen, «Qazaqstan Respýblıkasynyń bilim berý isiniń qurmetti qyzmetkeri» tósbelgisimen marapattady.
Atap aıtqanda, oblys ákiminiń Qurmet gramotasymen Tekeli qalasy №5 orta mektebiniń bastaýysh synyp muǵalimi Roza Janakýlova , Qaratal aýdany Kemel Toqaev atyndaǵy orta mektebiniń bastaýysh synyp muǵalimi Botakóz Jýmanova, Eskeldi aýdany Shoqan Ýálıhanov atyndaǵy orta mektebiniń bastaýysh synyp muǵalimi Sara Djýmabaeva , Qapshaǵaı qalasy balalar shyǵarmashylyq jáne jazǵy demalys ortalyǵynyń dırektory Talǵat Fardeev marapattaldy.
Al óńir basshysynyń Alǵys haty Aqsý aýdany J.Sydyqov atyndaǵy orta mektebiniń orys tili pániniń muǵalimi Nazgúl Seıtkojanovaǵa berildi.
QR Bilim jáne ǵylym mınıstrliginiń «Ybyraı Altynsarın» tósbelgisine Taldyqorǵan qalasy № 22 orta mektep muǵalimi Aqsholaqova Rahılıa Moldaǵalıqyzy, oblystyq bilim berýdi damytý oqý-ádistemelik ortalyǵynyń dırektory Qabdýlova Alýa Janataıqyzy, Q.Baıseıitov atyndaǵy Taldyqorǵan saz kolledjiniń arnaıy pán oqytýshysy Naýryzov Kamıl Naǵımetýllauly, Sarqan polıtehnıkalyq kolledji dırektorynyń óndiristik oqytý jumysy jónindegi orynbasary Tobyshaqov Baýyrjan Orǵybekuly ıe boldy.
«Qazaqstan Respýblıkasynyń bilim berý isiniń qurmetti qyzmetkeri» tósbelgisimen Taldyqorǵan ónerkásip ındýstrııa jáne jańa tehnologııalar kolledjiniń dırektory Qoıanov Erkinbek Ysqaquly, oblystyq bilim basqarmasynyń bas mamany Turǵanbaeva Roza Maksımqyzy;
Respýblıkalyq «Úzdik pedagog» ataǵyn jeńip alǵan jáne 2 mıllıon 778 myń teńge qoryn ıelengen ustazdar: Kóksý aýdany, M.Qurmanov atyndaǵy № 2 orta mektep muǵalimi German Lıýdmıla Vladımırovna, Taldyqorǵan qalasy, № 28 IT mektep-lıtseıiniń muǵalimi Baıgojına Indıra Bolatovna, Taldyqorǵan qalasy, M.Aryn atyndaǵy № 24 DBAL muǵalimi Býlanov Murat Dadanbekuly, Almaty oblysynyń qyzmet kórsetý jáne tamaqtandyrý salasyndaǵy ınnovatsııalyq tehnologııalar kolledjiniń oqytýshysy Kabdýllına Aınýr Aktlekovna;
Oblystyq «Úzdik pedagog» ataǵyn jeńip alǵan jáne 850 myń teńge qoryn ıelengen ustazdar: Almaty ekonomıkalyq kolledjiniń oqytýshysy Jetkizgenqyzy Gúlsaıa, Tekeli kásiptik kolledjiniń oqytýshysy Padalkına Anna Vasılevna, Taldyqorǵan qalasy №20 daryndy balalarǵa arnalǵan lıtseı muǵalimi Amırova Alııa Kydyrhanqyzy;
«Úzdik aýyl mektebi» nomınatsııasynyń jeńimpazy Qarasaı aýdany Almalybaq aýylyndaǵy orta mektep - gımnazııasy dırektory – Mahambetova Saýle Oralhanqyzy, «Úzdik kásiptik bilim berý uıymy» nomınatsııasynyń jeńimpazy Jambyl atyndaǵy Uzynaǵash kásiptik kolledjiniń dırektory – Altaev Bolat Bekbosynuly, «Úzdik synyp jetekshisi» nomınatsııasynyń jeńimpazy Alakól aýdany Úsharal №1 orta mekteptiń muǵalimi, synyp jetekshisi - Ahmetova Aıgúl Daýrenbekqyzy І-dárejeli dıplommen jáne 500 myń teńge qarjylaı syılyqpen marapattaldy.
Marapattaý rásiminen keıin ustazdar qurmetine shaǵyn kontserttik baǵdarlama usynyldy.
